ସୁନା ଭାଇ ହାତେ ସୁନେଲି ରାକ୍ଷୀ
ସୁନା ଭାଇ ହାତେ ସୁନେଲି ରାକ୍ଷୀ
1 min
122
ସୁନା ଭାଇ ହାତେ ସୁନେଲି ରାକ୍ଷୀ,
ଭାରି ଖୁସି ଲାଗେ ଏ ଛବି ଦେଖି।
ପିଲାଦିନ କଥା ମନେ ପଡ଼ୁଛି,
କେତେ ଖୁସିଦିନ ବିତିଯାଇଛି।
ଏ ଦିନଟି ଆସେ ପ୍ରତି ବରଷେ,
ଭାଇ ଭଉଣୀଙ୍କ ମନ ହରଷେ।
ଭାଇ ହାତେ ରାକ୍ଷୀ ବାନ୍ଧେ ଭଉଣୀ,
ଭାଇ ଭଉଣୀଙ୍କ ଏହି କାହାଣୀ।
ସମୟ ନଈରେ ଯାଇଛି ବୋହି,
ସେଦିନତ ଆଉ ଫେରିବନାହିଁ ।
ଭଉଣୀଠୁ ଭାଇ ଅନେକ ଦୂରେ,
ଭାଇଟା ରହୁଛି ପରଦେଶରେ।
ଡାକବାଲା ଆସି ଡାକ ଦଉଛି,
ଲଫାପାରେ ତୁମ ରାକ୍ଷୀ ଆସିଛି।
