ଅଜବ ମଣିଷ

ସମସ୍ତ ଏଠି ନିଜ ପ୍ରଶଂସା ପାଇଁ

ଜିତାପଟ ନେବାକୁ ବ୍ୟଗ୍ର,

ନିଜ ବ୍ୟକ୍ତିତ୍ୱର ସମୀକ୍ଷା ପାଇଁ

ସମୟ ନ ଥାଏ l

ଯାହି ତାହି ସର୍ବଜନ ପରିଚିତ

ହୋଇଗଲା ପରେ,

ନଜର ଥାଏ କେତେଜଣ

ଆପଣାର କରୁଛନ୍ତି।

ଏହି ଯେମିତି ସାହିତ୍ୟ, କଳା,ରାଜନୀତି, କ୍ଷେତ୍ରରେ।

ଅନ୍ୟକୁ ଭଲ ପାଇଲେ ସିନା

କିଏ ତୁମକୁ ଭଲ ପାଇବ।

ନିଜକୁ ନିଜେ ତର୍ଜମା କରିବାକୁ 

ତର ନ ଥାଏ କା'ର।

ହେଲେ ନିଜକୁ ନିଜେ ଭଲ 

କହିବାକୁ ସଫେଇ ଦିଆଯାଏ

ଲମ୍ବା ଲମ୍ବା ତାଲିକା।

ଏଠି ଭଲ ପାଇବାକୁ କାହାକୁ ସମୟ

ହୁଏନାହିଁ ତ,

ପୁଣି କିଏ ଅନ୍ୟର ନିନ୍ଦା କୁତ୍ସାରଟନାରେ ସବୁ

ସମୟ ବିତେଇ ଦିଏ।

ଅଜବ ଏ ମଣିଷ,

ଅଜବ ଆଜିର ସମୟ।

କାହାପାଇଁ ଖେଳ ପୁଣି

କାହା ପାଇଁ କାଳ।