ଐକାନ୍ତିକ ପୁଲକ
ଐକାନ୍ତିକ ପୁଲକ
1 min
157
ଉଚ୍ଛୁଳା ଆବେଗର ପ୍ରେମର ତରଙ୍ଗ
ସାଉଁଟି ଧରିଥାଏ ବିପୁଳ ଅନୁରାଗ
ମାଧୁର୍ଯ୍ୟ ବିଭୋର ପ୍ରତିଟି ପ୍ରହର
ଝଙ୍କୃତ ହୁଏ ହୃଦ ତନ୍ତ୍ରୀରେ
ଭାବ ଜରଜର -
ଐକାନ୍ତିକ ପୁଲକର
ଅନୁଭବି ମନଟିଏ-
ମାପିବାକୁ ଅସମର୍ଥ ହୁଏ
ଓଠରୁ ଓଠକୁ ଉଚ୍ଚାରିତ ହେଉନଥିବା
ଶବ୍ଦର ଭାଷାକୁ ,
ହୃଦୟରୁ ହୃଦୟକୁ ପରିବ୍ୟାପ୍ତ
ପ୍ରତିଟି ସ୍ପନ୍ଦନକୁ
କାହ୍ନୁରେ !!!!
ଦରଆଉଜା ମନର ଅତଳ ତଳେ
ତୁ ମୋ ସ୍ମୃତିର ସୁରଭିତ ସ୍ତବକଟିଏ
ମୁଁ ତୋ ପ୍ରେୟସୀ ତୁ ରସଘନ ରସିକଟିଏ ।