ଅଭିନୟ ବନାମ ସମ୍ପର୍କ

 

କିଛି ସମ୍ପର୍କ ରୂପ ନିଏ ଆପେ ଆପେ 

ବିନା ଦେନ ନେଣ ରେ 

ସେଠି ଚୁକ୍ତି ପତ୍ର କାଟ ଖାଏ 

ସମ୍ପର୍କ ଟା ବେଳେ ବେଳେ 

ତାଜ ହେଉ ହେଉ 

ଅଟକି ଯାଏ 

ଯଦିଓ କାରଣ ସେମିତି କିଛି 

ଓଜନ ରଖେନା...

 

କିଛି ସମ୍ପର୍କ ଖାଲି ଦେଇ ଶିଖିଥାଏ 

ଭୋଗ ରେ ନୁହେଁ ତ୍ୟାଗରେ 

ନିଜେ ନିଜ ଦୁନିଆରେ ମସଗୁଲ 

ପାଇଵା ନିମିତ୍ତ ମାତ୍ର 

ଦେବାରେ ଥାଏ ନିରୁତା ଆନନ୍ଦ.... 

ଆଉ କିଛି ସମ୍ପର୍କକୁ 

ନାମ ଦେଉ ଦେଉ 

ଅଦେଖା ନିୟତିର ଆତତାୟୀ 

କାଟିଦିଏ ନଟେଇରୁ ସୁତା..... 

ମୁହଁ ମାଡି ଧକେଇ କାନ୍ଦେ 

ବଡ଼ ଅଦ୍ଭୁତ ସତ୍ତାଟିଏ ସତେ 

ଯେତେ ଯତ୍ନ ସେତେ ଅଭିମାନ 

ସବୁ ଥାଇ କିଛି ନଥିବାର ଭାବ ଗ୍ରାସିଥାଏ 

ନାମ ବାଚକ ବିଶେଷଟିଏ ଖୋଜୁ ଖୋଜୁ 

ଦିନ ଯାଏ ଚିହ୍ନ ରୁହେ 

ସମ୍ପର୍କ ବନ୍ଧା ହୁଏ 

ପୁରୁଣା ରୁମାଲରେ 

ହଳଦିଆ ପଡ଼ିଯାଇଥିବା ଚିରା ଚିଠିରେ 

ବେଶ କିଛି ଚନ୍ଦ୍ରବିନ୍ଦୁରେ 

ଆଉ କିଛି କମା ପୂର୍ଣ୍ଣଛେଦରେ.....