ଆଉ ତୋ ଗଳିରେ ରଖୁନି ମୋ ପାଦ

ଆଉ ତୋ ଗଳିରେ ରଖୁନି ମୋ ପାଦ

ସାଧୁରୁ ଲାଗୁଛି ଚୋର

ପ୍ରେମଟା କରିବା ବିପଦ ଏମିତି

ଛାତିରେ ଛାତିଏ ଡର

............ଆଉ ତୋ ଗଳିରେ ରଖୁନି ମୋ ପାଦ

            ସାଧୁରୁ ଲାଗୁଛି ଚୋର ! ୦ !

ମୋହର ଦରଜା ଫିଟେଇ ଦେବାକୁ

କହୁନି ମୋ ମନ ସତ

ଫୁଲର ସବାରୀ ଉଠାଇ ନେବାକୁ

ଯାଉନି ଏଇ ମୋ ହାତ

ଆଖିର ସପନ ଲୁହରେ ବିକଳ

ଭାଙ୍ଗୁଛି ଆଶାର ଘର

............ଆଉ ତୋ ଗଳିରେ ରଖୁନି ମୋ ପାଦ

            ସାଧୁରୁ ଲାଗୁଛି ଚୋର ! ୧ !

ତୋ ରୂପ କୁହୁକ ବଳେଇ ପଡୁନି

ଭାବର ଅଭାବ ଆଣେ

ସ୍ମୃତିରେ ଜୀଇବା ସମ୍ଭବ ହେଉନି

ନିଜକୁ ଅକ୍ଷମ ମଣେ

ହାରିବା ଲୋକର ବଇଁଶୀ ବେସୁରା

ଶୁଣିଦେ ଗୋଟିଏ ଥର

............ଆଉ ତୋ ଗଳିରେ ରଖୁନି ମୋ ପାଦ

            ସାଧୁରୁ ଲାଗୁଛି ଚୋର ! ୨ !