ଆତ୍ମା ମୁଁ ବଞ୍ଚିଛି

ହଁ ମୁଁ ବଞ୍ଚିଛି

ଯଦି ଭାବୁଛ ମୋର ହରିତ ବସ୍ତ୍ର ଲୁଣ୍ଠିତ ହେବାପରେ ମୁଁ ହସୁଛି

ତାହା ହେଲେ ମୁଁ ବଞ୍ଚିଛି ।

  

ଯଦି ଭାବୁଛ ମୋର ପୂର୍ଣ୍ଣ ଶରୀରଟା ନଗ୍ନ ହେବାପରେ ମୁଁ ସୁନ୍ଦର ଦିଶୁଛି

ତାହାହେଲେ ମୁଁ ବଞ୍ଚିଛି ।

ଯଦି ଭାବୁଛ ରିତି ନୀତି ସଂସ୍କାରର ହତ୍ୟାରେ ମୁଁ ନିରବ ଦର୍ଶକ ସାଜିଛି

ତାହାହେଲେ ମୁଁ ବଞ୍ଚିଛି ।

ଯଦି ଭାବୁଛ କ୍ଷୀରର ମୂଲ୍ୟ କଂସେଇର ଅର୍ଥରେ ଶୁଝିପାରୁଛି

ତାହା ହେଲେ ମୁଁ ବଞ୍ଚିଛି ।

ଯଦି ଭାବୁଛ ନିଷ୍ପାପ ଗର୍ଭର ହତ୍ୟାରେ ମାତୃହତ୍ୟାର ଦୋଷ ନଲାଗୁଛି

ତାହା ହେଲେ ମୁଁ ବଞ୍ଚିଛି ।

ଯଦି ଭାବୁଛ ତୃଷିତ ଜୀବର ଖଣ୍ଡିତ ଶରୀରରେ କ୍ଷୁଧା ମେଣ୍ଟୁଛି 

ତାହା ହେଲେ ମୁଁ ବଞ୍ଚିଛି ।

ଯଦି ଭାବୁଛ ସ୍ବାର୍ଥର ଖଡ୍ଗରେ ମୁଁ ସମ୍ପର୍କର ହତ୍ୟା କରିଛି

ତାହା ହେଲେ ମୁଁ ବଞ୍ଚିଛି ।

ଯଦି ଭାବୁଛ ଜୀବିତ ଶରୀରରେ ମୁଁ କେବେ ମରିନପାରୁଛି

ତାହା ହେଲେ ହଁ ମୁଁ ଆତ୍ମା ମୁଁ ବଞ୍ଚିଛି ।