ଜନ୍ମ ଏଠି ଭଗବାନ

ସମଗ୍ର ବିଶ୍ବରେ ଆମ ଦେଶ ଅଟେ

ସବୁଠୁ ବେଶି ମହାନ,

ଇତିହାସ ପୃଷ୍ଠା ଅଲଟାଇ ଦେଲେ 

ଜନ୍ମ ଏଠି ଭଗବାନ ।

ଦଶ ଅବତାର ଧାରଣ କରିଣ

ଲିଳା କରିଛନ୍ତି ପ୍ରଭୁ,

ରାମ, କୃଷ୍ଣଙ୍କର ଅବତାର ନେଇ

ଉଦ୍ଧାରିଲେ ସେଇ ବିଭୁ ।

ରାମ ଅବତାରେ ରାମାୟଣ ଗ୍ରନ୍ଥ

ସାରା ବିଶ୍ବରେ ପୂଜିତ,

କୃଷ୍ଣ ଅବତାରେ ଗୀତା ଗ୍ରନ୍ଥଟିଏ

କୃଷ୍ଣଙ୍କ ମୁଖ ନିସୃତ ।

କଳା ଓ ସଂସ୍କୃତି ସବୁଠୁ ନିଆରା

ଦିଅଇ ସଭିଙ୍କୁ ଶିକ୍ଷା,

ବେଦ ଓ ପୁରାଣ ଆଦି ଗ୍ରନ୍ଥମାନ

ଧାରାରେ ବିଶ୍ବ ସୁରକ୍ଷା ।

ଧର୍ମ, ଶାସ୍ତ୍ର ପାଇଁ ଆମ ଦେଶ ଯାର

ନାମ ଅଟଇ ଭାରତ,

ତାହାରି କୋଳର ସନ୍ତାନ ବୋଲି ମୁଁ

ନିଜକୁ ଲାଗେ ଗର୍ବିତ ।