ଆହେ ଗୁରୁ ତୁମେ ମଙ୍ଗଳ ମୟ

ଆହେ ଗୁରୁ ତୁମେ ଜ୍ଞାନର ଭଣ୍ଡାର

   ତୁମେ ତ ମଙ୍ଗଳମୟ

ତୁମରି ଶିକ୍ଷାରେ ସଭିଏଁ ବିଭୋର 

    ତୁମେତ ସଂସାରେ ଜୟ ।

ତୁମେ ପୂଜନୀୟ ତୁମେ ଗୁରୁ ଦିଅଁ

    ତମେ ଗୁରୁ ସର୍ଵବ୍ରହ୍ମ

ତୁମେ ଗୁରୁ ସଦା ଦିଅ ସାଧୁ ବାଣୀ

   ତୁମେ ଗୁରୁ ସତ୍ୟ ଧର୍ମ ।

ଅନ୍ଧାର ପଥରେ ତୁମେତ ଆଲୋକ

  ତୁମେ ଗୁରୁ ଦିବ୍ୟ ଜ୍ୟୋତି

ତୁମରି ଅଶିଷେ ଏହି ଧରା ଧାମେ

  ପାଉଛୁ ଅନେକ୍ ଶାନ୍ତି ।

ତୁମ ଛାଟ ମାଡ଼ ତମରି ଆକଟ

   ଆଜିବି ପଡୁଛି ମନେ

ତୁମ ସ୍ନେହ ଶ୍ରଦ୍ଧା ତମ ସରଳତା 

  ଗୁଣୁଗୁଣୁ ହୁଏ ମନେ ।

ତୁମେ ଗୁରୁ ବ୍ରହ୍ମା ତୁମେ ଗୁରୁ ବିଷ୍ଣୁ 

  ତୁମେ ଗୁରୁ ମହାଦେବ

ତୁମରି ଆଜ୍ଞାରେ ଆମ ଏ ଜୀବନ

   ଯୋଡୁଛି ନୂତନ ଭାବ ।