वसुंधरा

मनसोक्त बरसतात

रिमझिम पाऊसधारा

चिंबचिंब भिजली ही 

नटखट ,अल्लड वसुंधरा...

  पारिजातकाचा मस्त

   सुगंध गगनी दरवळला

   वसुंधरावर या फुलांचा

   सडा छान हो शिंपडला....

अवखळ अल्लड वारा

बोलतोय मस्त कानात

मातीचा बेधूंद सुगंध

पसरला दाही दिशात,..

  हरीत शालूचे लेणं

   सारी सृष्टी ल्याली

   दवबिंदूंच्या थेंबाने

    अंग अंग मोहरली.....

प्रेमास रंग यावा वसुंधरा 

पावसाने तू मनसोक्त नहाली

येतो अन भिजवतो वसुधेला

वसुधाही मनी अती आनंदली....