वसंत पंचमी

आला नाचत वसंत बहार

सृजनाचा नव अवतार

आम्रवृक्ष मोहर फुलती

कुहु कूहू कोकीळ बोलती

सुगंधानी पक्षी डोलती

संजीवनी मंत्र घेऊनी

झाला तो साकार

जीर्ण पाने गळूनी पडती

नव पालवी उभार घेती

सृष्टीच्या नियमा प्रीती

नव युगाचा आविष्कार

किती पिढ्यांनी गायीली गाणी

रती मदनाची होऊनी वाणी

पुष्प धनुष्य घेऊन हाती

अाळवती प्रणय शृंगार

ऋणानुबंध दिले घेतले

प्रेमाचे ते गीत फुलवले

एकमेका साह्य करुनी

गाऊनी संसार आभार

आला नाचत वसंत बहार

सृजनशील नव आविष्कार