वर्षागीत
वर्षागीत
1 min
186
निळ्या अंबरी सावळे ढग दाटले,
अंधारले सारे, नभ धरणीवर उतरले.
सरी बरसल्या, झाले नभीचे रांजण मोकळे,
हिरव्यागार गालिच्यावर हिरे-मोती सांडले.
ऊन पावसाचे खेळ रंगले ,
आकाशाच्या पाटीवर इंद्रधनू उमटले.
वाऱ्यासंगे दरवळे ओल्या मातीचा सुगंध,
डोलू लागले वृक्षवेली होऊन मंत्रमुग्ध.
भिजल्या ओल्या मातीतून नवांकुर जन्मला ,
तरारली शेत-शिवार बळीराजा सुखावला.
धरणी नेसली हिरवा शालू नक्षीदार ,भरजरी ,
जणू, साजशृंगार करून नववधू नटली लाजरी.
झुळझुळणारे नदी-नाले गातात मंजुळ गाणी ,
नवजीवन अन् नवचैतन्य घेऊन आली वर्षाराणी.