विविध रंगाची होळी

विविध रंगाची होळी

आली आली बघा हो होळी

खाऊ चला पुरणाची पोळी

अवगुण सारे दहन करून

करु या त्याची राखरांगोळी

आज होळीचे करून पूजन

देऊ पुरणपोळीचा नेवैद्य

खायला कुणा कमी न पडो

मिळत राहो गोडगोड खाद्य

फाल्गुन महिन्याचा गोल चंद्र

आकाशी दिसतो कसा शुभ्र

वसंत ऋतूला होते प्रारंभ

हवामान असे कोरडे निरभ्र

होळीच्या दुसऱ्या दिवशी

असतो विविध रंगाचा खेळ

वेगळ्या रंगात विभागलेल्या

लोकांना एकत्र येण्याची वेळ

लाल पिवळा निळा हिरवा

रंगाने एकमेकांना रंगू या

एकमेकांच्या सुखदुःखात

एकत्रित साजरी करू या

पाण्याचा अपव्यय टाळा

अंडे फेकून मारू नका

कोरड्या रंगाने होळी खेळा

रंगपंचमी बेरंग करू नका