विठ्ठला
विठ्ठला
1 min
232
वारीनं पंढरपुरा जाऊ
विठ्ठला तुज प्रत्यक्ष पाहू || धृ ||
जाताना अभंग तुुुझे गाऊ
तुझ्या धुंदीत आम्ही राहू
दूर-दूर पसरली तुझी किर्ती
तुच देतोस आम्हा जगण्यास स्फूर्ती
वारीनं पंढरपुरा जाऊ
विठ्ठला तुज प्रत्यक्ष पाहू || १ ||
तुच आम्हा आधार
तुझ्याशिवाय आम्ही निराधार
घालतो मी तुज आज साकडं
कोरोनाचं कर आता वाकडं
वारीनं पंढरपुरा जाऊ
विठ्ठला तुज प्रत्यक्ष पाहू || २ ||
तुझ्या दरबारात येऊनी मी करतो आरती
फुलव पुन्हा पहिल्यासारखं ही धरती
समजूनी घेतला या देहाचा सार
तुच कर हा कर्माचा कमी भार
वारीनं पंढरपुरा जाऊ
विठ्ठला तुज प्रत्यक्ष पाहू || ३ ||