विषय: व्यथा महिलांच्या

महिला महिला म्हणून ठरविती अबला |

कधी सबला म्हणूनी देती मान पहिला | |१| |

अबला की सबला सत्य काय आहे ?

जाणून बुजून केलेली ही धूळफेक आहे | |२| |

कधी आई म्हणूनी मखरात बसवतात |

प्रेयसी कधी म्हणूनी ह्रुदयासी धरतात | |३| |

कधी स्रीत्व लुटून भोगदासी समजतात |

काटेरी देऊन मुकुट वर तलवार टांगतात | |४| |

काय असावे हे आमचे प्राक्तन

ज्यांना देतो आम्ही नवजीवन |

तेच देती जीवंतपणी मरण

नको वृथा ते आम्हा देवपण | |५| |

स्रीवीणा पुरूषांचे अपूर्ण जीवन

स्रीच देई सर्व पुरुषांस जीवन |

उगाच दाविता पुरुषी अहंपण

महिलेच्या नशिबी सदाच वणवण | |६| |

गात्रे अशक्त तरीही शिरी ओझे ते मणमण |

घरासाठी झिजविती शरीराचा कण नि कण | |७| |

जागतिक महिला दिनाच्या निमित्ताने स्री आजही सुरक्षित नाही तिच्यावरील अत्याचारांच्या घटनांमध्ये दिवसेंदिवस वाढच होत आहे. तेव्हा त्या भावनांना या कवितेतून वाट करून दिली आहे. !