विषय-चित्रकाव्य

निळ्या नितळ जलाशयात दिसे 

मंदिरासवे निसर्गाची प्रतिबिंबं |

वृक्षलतांसह हिरवे निळसर डोंगर

आकाशात उगवणारे रवीबिंब | |१| |

निळ्या आभाळाच्या प्रभावाने

डोंगर नि जलाशय होती निळे |

सौंदर्य आरस्पानी बघतांनाच

सा-यांची नजर त्यावरी खिळे | |२| |

मंदिराच्या कळसांचे दृश्य दिसे

अधिकच पवित्र नि मनोहारी |

सृष्टीच्या निर्मित्याला स्वप्न पडले

असावे निर्मितीचे विलक्षण भारी | |३| |

दिलेल्या चित्रावरून काव्य रचतांना कलवीच्या कल्पना शक्ती व निरीक्षण शक्तीचा कस लागतो!