विषय: ब्यूटीपार्लर

येता जाता तू ब्यूटी पार्लर

 मध्ये जातेस|

कुठले कुठले फेस पॅक तोंडावर 

फासत रहातेस||१

जातांना असतेस माझीच तू सुंदर 

सखी साजणी साजरी |

पार्लर मध्ये परतलीस की वाटते

पहिलीच होती तू बरी||२

केस होते तुझे आधी लांबलचक काळे अन मऊसूत|

कापलेस, फुलवून मोकळे सोडता 

दिसतेस की तू भूत||३

आधी डोळे तुझे दिसायचे मला

तेजाने अनोखे चमकतांना|

वाटतेय बसलीय मांजर काजळ सारित डोळे मिचकवतांना||४

गुलाबी ओठांवर दिसायचं पूर्वी

स्मित हास्य खुलून|

लिपस्टिक पुसायला नको म्हणून

गेलीस हास्य भुलून||५

साधं गुलाबाचं फूल माळलंस तरी

दिसायचे ते तुला शोभून|

आता पूर्ण फुलांच्या गुच्छांत मी थकतोय तुलाच गं शोधून||६

साधं मोग-याच अत्तर सुगंधी

तुझ वेड मला लावायंचं|

परफ्यूमचे त-हेत-हेचे वास आता

निमित्त होतं दूर पळून जायचं||७

साधी काठ पदरी साडी ही तुझं रुप खुलवायची|

पैठण्यांचा खच दाखवी फिटलेली 

हौस भुलवायची||८

साधी पावडरही न लावता दिसे पूर्वी मुखडा तुझाच गोरापान|

क्रीमनंच थाटलंय दुकान करून

चेह-याची ओढाताण||९

माझ्या टिचभर पगारात सारं होई

किराण्यासह साज सामान|

आता गलेलठ्ठ पगार माझा निम्मा

तुझ्या ब्यूटीवर चढे परवान||१०

मंगळसुत्राच्या गळसरीचा एकच दागिनाही तुला खूप सुखवायचा|

प्रदर्शन दागिन्यांच भरलेलं असता इतरांचा गूंजभर तुला दुखवायचा?११

ब्यूटी पार्लर ही चैनीसाठी नसून अत्यावश्यक असा समज करून घेतला जातो तेव्हा त्याला एक विडंबन कविता लिहिली आहे