विषय - भारत माझा देश आहे

भारत माझा देश आहे नि

सारे भारतीय माझे बांधव

कोरोना विषाणूने घेरलेय

परमेश्वरा तूच यातून सोडव 

टाळतेय इतरांचा हस्तस्पर्श 

उगाचच घराबाहेर ते फिरणे

नको संसर्ग धोका साऱ्यांना

विषाणूचे ते शरीरात शिरणे

जगावरच कोसळले संकट

प्रयत्न माझाही राष्ट्रासाठी 

घरातच हल्ली बसून राहते

ना संपर्क संसर्गाच्या पाठी

उडालीय भीतीने सारी दैना

वापरते घरी मी सॅनीटायझर

हात-पाय नि सारे घर स्वच्छ 

राखतेय प्रदूषणमुक्त परिसर

शिंकताना झाकते तोंड नाक

नको इतरांना विषाणूचा त्रास

हळद दूध पिऊन जेवण ताजे

खाऊन घेतेय मी सुखाचा घास

बाहेर जाताना लावते  मास्क

गर्दीत जाणेही पूर्णत:  टाळते

घर माझे ठेवते मी जंतुविरहित

कापूर धूप घरांदारांतुन जाळते 

कोपू नयेच हा कोरोना विषाणू

म्हणूनी राहूया सारेजण बंदिस्त 

सुरळीत होता सारी जीवनक्रिया

खाऊ फिरू राहूया खुशीत मस्त

ठेवूया संयम मनावर आपल्या

वेळ आलीय आता कसोटीची

मरून जाऊ दे हा विषाणू पार 

नको खरेदी औषधे बनावटीची