विषय: आईविना मी कसे जगावे?

नयनातील आसवांना

भावनांचा पूर यावा|

एक एक अश्रू माझा

सिंधूतील थेंब व्हावा||१

आई तुझा ध्यास

सारखा मनास|

भेट तुझी होता

अर्थ जीवनास||२

आई तुझी कूस

सोन्याची मूस|

आकाराला येई

बालक गोंडस||३

आई तुझी माया

जणू वृक्ष छाया|

संपता संपेना

लागे नभी भिडाया||४

दु:ख येवो, सुख राहो

आस नसे कुणाची|

सोबतीला हवी साथ

माझिया जननीची||५

आई तुझे नाव

ओठांवर यावं|

गाता आनंदे

विश्वात रंगावं||६

आई तुझे बोल

वाटती अमोल|

कोरुनी ठेवावे

हृदयात खोल||७

माझ्यातील भक्ती

न कळे गं तुजला|

औक्ष लाभो तुला

मागणे परमेश्वराला||८

परी गीत ओठी 

नित्य ते असावे|

आई तुझ्या विना

मी कसे जगावे||९