विसावा ............

शब्द कोंडले हृदयातच मी

भावनेचा गळा दाबला

डोक्यांमधले वैचारिक किडे

सर्वांना मी विष पाजला

उपेक्षा व्हावी पुढे जाउनी

अपेक्षा असल्या ठार मारल्या

आपुलकीचा ठाव सांगती

पुस्तकही त्या पार जाळल्या

इकडे तिकडे मृत पडलेले

स्वप्नांना माती पुरवून आलो

फसव्या पर्यायी वचनांना

पद्धतशीर मी बडवून आलो

विश्वासाची दोर करपली

माणुसकीचा भ्रमित दिखावा

दार मनाचे बंद करूनी

एकांती घेतो गोड विसावा

एकांती घेतो गोड विसावा