विडंबन काव्य

आला गं बाई आला गं बाई आला 

आला आला आला आला 

जोरात पाऊस आला 

की नीट बघ जोरात पाऊस आला||

मातीचा दरवळ सुटलाया भारी 

ओलेत्या अंगाची अदाच न्यारी 

सर्दी होईल जरा आवरा अरेरेरे 

ताप येईल जरा आवरा ओ हो sss 

जोरात पाऊस आला|| 

द्वाडानं घातलंया ह्या रिंगणा 

त्यात ह्या कोरोनाचा धिंगाणा

रातदीन घरात बसवलंया 

बाहेर मास्क लावुन फिरतोया 

उघडता तोंड घालतोया घाला.. बाई बाई 

जोरात पाऊस आला||

आता ह्यो आवरणार कसा 

नदीला पुर येतोया भसाभसा 

दारात पाणी अन् घरात पाणी 

काळीज चीर्र करतोया हा हा 

काळीज चीर्र करतोया 

जोरात पाऊस आला||