वेगळी जात

सरड्यांसारखे रंग बदलताना पाहिले त्यांना

मतलबासाठी मधाळ बोलताना पाहिले त्यांना

ना मैत्री ना दुष्मनी करावी अशांशी कधीही इथे

बेभरवशी अगदी दूर होताना पाहिले त्यांना

ना उपयोगाचे होते वेळेत ना कधी धावलेले

ओठात एक पाठी एक निंदताना पाहिले त्यांना

निष्ठेच्या गप्पा मोठमोठ्या सत्तेसाठी हपापलेले

शपथ परि वेगळेच वागताना पाहिले त्यांना

दलबदलूंचे तात्विक मुलामे कल्हई केलेले

विश्वासार्हता हरविलेले थिटे पाहिले त्यांना