उद्याची आशा

माणूस स्वप्नांवरच जगतो

डोळ्यासमोर ध्येय ठेवून चालतो

कधी अडखळतो कधी पडतो

स्वप्न पूर्ण करण्या धडपडतो

प्रत्येकाच्या मनात नेहमीच असते

उद्याच्या जीवनावरची एक आशा

उद्याची स्वप्ने पूर्ण करण्यासाठी

सदा शोधीत असतो तो दाहीदिशा

मनात कसलीही निराशा न आणता

मार्गावर अखंडित चालले पाहिजे

पदोपदी मिळतात अनेक अपयश

त्याला पचवून यश मिळविले पाहिजे

मनात कुठलीच आशा नसेल तर

असे निराशावादी जीवन व्यर्थ आहे

आशा पूर्ण करण्या प्रयत्न करणे

त्याच जीवनाला खरा अर्थ आहे