तूच राजा

मी अशीच शून्य होते 

     जेंव्हा तू स्मरणात येतो 

हर्षाने मन धुंद होवुनी 

     वेड जीवाला तुझे लाविते 

तू जाशील त्या वाटेवरती 

    तेथे कुसूमांचा वर्षाव करावा 

ना लोप पावावा, मंत्र मुग्ध तो नजारा 

    तुझ्या मधुर वाणीमधे 

वेगळीच जादु आहे...

    न बोलताही सर्वच बोलतात 

बेभान तुझे ते लोचन आहे 

    तेजस्वी तुझा चेहरा बघुनी 

कोमजलेली फुले ही फुलून जातील 

     ते रुप तुझे पाहुन 

चंद्रमाही लाजरा होईल 

    हो तू तोच आहेस 

मन मोहना... प्रीत सजना... 

या हृदयाचा एकटा तूच राजा...