तुला पाहते रे

प्रातःकाळच्या गर्द धुक्यांत सख्या

पर्णांवरच्या या दवबिंदूंत तुला पाहते रे

रविच्या आगमनाने धरती ही तेजाळली

या सोनेरी किरणांमध्ये तुला पाहते रे

नाद मंजूळ कोकिळेचा मनास छेडतो रे

स्वरांच्या त्या लयीत तुला पाहते रे

बेधुंदपणे बरसतात श्रावणसरी रे

नभीच्या इंद्रधनुत तुला पाहते रे

हृदयाच्या हर स्पंदनात तू वसतोस रे

माझ्याच प्रतिबिंबात तुला पाहते रे

राञी नभात चांदण्या चमकतात रे

पण पौर्णिमेच्या चंद्रात तुला पाहते रे

अंगणी मोहक रातराणी गंधाळली रे

जीवनसाथी तूच सख्या तुला पाहते रे