तुझी साथ

साथ तुझी असता मला कुणाची न भिती,

धीर मला देण्या तुझा हात हाती... 

साथ तुझी असता वेदना हि दूर जाती,

सोबत तू असता, फिकी वाटती नाती...

साथ तुझी असता धुंद वाटे हा वारा ,

पावसाच्या जणू बरसती ओल्याचिंब धारा...

साथ तुझी असता मनी नाचतो मयूर ,

नसे कुठलीच चिंता न कसले काहूर...

साथ तुझी असता स्पंदने मुग्ध होती,

बोलावया तुजसवे अवचित आतुरती...

साथ तुझी असता शब्द विरून जाती,

लाजेत माझ्या न्हाऊन निघती पाती...

साथ तुझी असता भान हरपून जावे,

स्वप्नास जणू माझ्या नवे अर्थ मिळावे...

अशी साथ असता जन्मांतरी या,

हवे काय मज मग जगी जागावया या...