तुझी- माझी मैत्री

आमच्या मैत्रीच्या प्रकाशाने

क्षितिजाला आज गाठले

सोबत थोडे आयुष्य जगून

आपलेसे मला वाटले.||१||

मनाच्या तारा जुळल्या

सहवास मधुर गोड

संगतीत तुझ्या फुलले मन

नेहमीचं भेटण्याची ओढ.||२||

तुझ्या मैत्रीने माझी

ओंजळ आहे भरलेली

तुझ्याच सोबतीने आज

वाट सुंदर फुललेली.||३||

कितीही अवघड वाटले

मैत्रीचं गणित सुटणार

असे एकच नाते म्हणजे

कधीचं नाहीं तुटणार.||४||

नात्याची सुंदर झ्यालर

आपण दोघींनी विणलेली

प्रेमाने , मायेने भरलेली

मऊ- मऊ पंख असलेली.||५||

हजारो भांडणे करून

सांत्वणाने कशी विणलेली

मनवनारी, समजवनारी

समजुन घेऊन उमललेली.||६||