तिरंगा

अभिमानाने उंच फडकतो तिरंगा 

बलिदानाचे महिमान गातो तिरंगा 

गौरवशाली भारताची शान तिरंगा 

एकजुटीची साद घालतो तिरंगा ||१||

स्वतंत्रतेची ललकार तिरंगा 

क्रांतीची मशाल हाती तिरंगा 

नव्या युगाची प्रेरणा तिरंगा 

मातृभूमीचे रक्षण करतो तिरंगा ||२||

हिमालयाची छाती तिरंगा 

सुजलाम सूफलाम माती तिरंगा 

संस्कृती, संस्कार,कर्मात तिरंगा

शूरवीर सैनिकांच्या रक्तात तिरंगा ||३||

वैज्ञानिक अवकाश तिरंगा 

योग, क्रीडेची ऊर्जा तिरंगा 

समुद्राची अवखळ लाट तिरंगा 

कला संपन्नतेचा साज तिरंगा ||४||

लोकशाही साम्राज्य तिरंगा 

धर्म जाती सहिष्णुता तिरंगा 

संविधानाची वचनबध्दता तिरंगा 

रयतेच्या देहातला प्राण तिरंगा ||५||