तिलांजली

तिच्या स्त्रीत्वाची कहाणी

कधी नवी कधी जुनी

एका रिंगणाच्या आत

 होते तिची आजीवनी

सारे सुख दुःख तिचे

घेते ओंजळ भरून

ठेवी मनाच्या कप्प्यात

गोड हसून घेऊन

तिचे सारे विश्व आहे

एका मर्यादेपर्यंत

जणू लक्ष्मणरेखाच

तिला मरणापर्यंत

काही स्वप्ने मनामध्ये

तिने पाहिले असता

देते तिलांजली त्यांना

इच्छा सर्वांची नसता

श्वास मोकळा घेण्यास

तिच्या इच्छा असतात

नाते ठेवण्या टिकून

मनी लुप्त पावतात

आई आजी ताई आत्या

किती रुपात असते

माया ममता वात्सल्य

लक्ष्मी मनात वसते