जन्म हा एकदाच आहे

किती जरी येतील अडचणी

आनंदाने त्यावर करु मात

जन्म हा एकदाच आहे

दुःखांशी करु दोन हात

सुंदर दिलेले आयुष्य देवाने

जगूया आपण आनंदाने

सांभाळून सारी नाती गोती

राहू सारे सुख समाधानाने

दिन दुबळ्यांची करुन मदत

दुर करुन त्यांच्या अडचणी

त्यांच्या चेहऱ्यावर हास्य आणून

मिळवावी शांती आपल्या मनी

हे आयुष्य पुन्हा नाही

जगू आनंद पेरत सर्वत्र

पाठीमागे नाव निघावे

होता मनाचा धनवान पुत्र