माहेर

स्वप्नपूर्तीची आहे झालर

त्याला चांदणचुऱ्याचा आहेर

मनी वसे ते माझे सासर

दृष्ट लागावी असे माझे माहेर

माहेरवाशीण लेकीला

 ओढ माहेराची असते

माहेरच्या या अंगणात

गोकुळ की हो नांदते

मनाच्या गाभाऱ्यात पूजनीय

माहेरच्या अपार आठवणी

आईबाबांच्या कुशीत वसलेल्या

कराव्या त्या अलवार साठवणी

सणासुदीचे दिवस आनंदाचे

माहेरी दिवस सजवायचे

आईच्या हाताची चवच न्यारी

आठवून डोळे हळूच पुसायचे