ती झाशीवाली राणी

ती झाशीवाली राणी

 म्हणतात तिला मर्दानी

 जणू शौर्यच मूर्तिमंत

ती स्वातंत्र्याची ज्योत

जणू ती तेजाची खाणी

स्वातंत्र्याची अभिमानी

जणू बसली ती यज्ञास

अर्पिला स्वतःचा श्वास

गोरा तो महिषासुर

मांडिले युद्ध दुर्धर

ती कालीमाता झाली

युद्धातच कामी आली

दश दिशे मांडीले संगर

अर्पिले स्वतःचे शिर

त्या युद्ध रुपी यज्ञात

दिली प्राणांची आहुती

ती कन्या महाराष्ट्राची

नेवाळकरांची कीर्ति