तिचे हक्क
तिचे हक्क
तुझ्या हिशेबात कधी गणले का रे तिचे हक्क ,
तीने स्वखुशीने दिले तु मोजले का रे तिचे हक्क ...
मायाळू मनाला पडलेले सुंदर स्वप्न ममतेचे ,
केले काळजाचे तुकडे मागले ना तिने तिचे हक्क ...
राधेच्या डोळ्यातून अश्रुधारा बरसत होत्या ,
वृंदावन सोडतांना सोबत घेऊन गेला तो तिचे हक्क ...
हक्कांचा तिच्या पारिजातच झाला कधीचा ,
गंधाळते पलीकडच्या अंगणात तेच तिचे हक्क ...
कुणाला मागणार ती हक्क विभागले तिला,
कोणता कुठे आहे सारेच अनोळखी तिचे हक्क ..