स्वराज्यरक्षक संभाजी...
स्वराज्यरक्षक संभाजी...
रात्री नऊ वाजताचा आम्हां सर्वांचा
रोजचा चाले मालिकेचा दिनक्रम
एकत्र वेळ घालवण्याची आमची
हीच एक संधी जणू एक उपक्रम
शिवाजी नि संभाजीचा इतिहास
जरी असला सर्वांनाच तोंडपाठ
तरी एकमेकांना सांगत बसायचो
दोन्ही राजांच्या पराक्रमाचा पाठ
आकर्षक व्यक्तिमत्त्वांचा मेळ
खूप सुंदररित्या रेखाटलेली पात्र
नि अतिशय मार्मिक शब्दांचे खेळ
जणू वाटतात समोर खरेच चित्र
प्रत्येक भागात जायचो गुंतून
स्वराज्याचा खडतर प्रवास वाटे
जगलो स्वतः पात्रांच्या भूमिकेतून
भावनांचा मनात काहूर असा दाटे
जिजाऊंचा पाहावा कर्तव्य रुबाब
कर्तबगारी येसूबाईंचा ताठ डोलारा
राणू आक्काचा करारी छावा बाणा
राजारामचा प्रेमळ मायाळू भाईचारा
प्राणांची आहुती देणाऱ्या मर्दांचे
सळसळते रक्त बाहुत मराठ्यांचे
भोळ्या-भाबड्या प्रजेचे पाहून प्रेम
मन गहिवरून येते भावुक आसवांचे
चेहऱ्यावरचा जिवंत हावभाव पाहून
औरंगजेबाचा सुद्धा वाटतो खूप हेवा
नकळत नाईलाजाने धक्के खाणाऱ्या
अकबराचा नाही वाटत बघा दुरावा
शेवटी आलीच घटिका वाट्याला
जेव्हा झाले हाल शंभू छत्रपतींचे
तेव्हा सर्वांच्या राहिले डोळ्यात उभे
अश्रू त्या अमर त्यागाचे नि निष्ठेचे
संपला तो रोजचा सोबतीचा पाठ
आता जरी उरल्या फक्त आठवणी
मनामनात अजूनही घोळतात चित्र
मग त्या भागाची रंगते मस्त मेजवानी