स्वराज्याच्या ढाली

अद्वितिय आमुच्या गड किल्ल्यांची

शौर्य गाथा महान

महाराष्ट्राच्या धरती वरचे

वादळातले तुफान

बुरूज आजही साक्ष देतसे

जे मावळ्यांना वरदान

पोलादी त्या तटबंदीने

राखली स्वराज्याची शान

दगडांच्या या अभेद्य ढाली

रत्नांची जणू खाण

कोंढाणा जिंकून घेतला

तानाजीने मारला उदेभान

जलदुर्गाची अथांग ताकद 

उडवी शत्रूची दाणादाण

अतुल्य लढले गड किल्ले ते

जाहले इतिहासाचे विधान