सुख काय असतं?

मार्ग हा सरून गेला

  पण सुखाचा पत्ता नाही लागला

स्वप्न बघता बघता 

  ओंजळ ही रिकामीच रहाली

मी माझा एकांत निवडला

   ना कधी कोणाशी संगत केली

वाटले मला कधी तर मी मनाशीच संवाद करे

   एकांतचं मला हा प्रिय वाटू लागला

दुःखाला सुख मानुनी 

    मनात भाव सदा जपले

ह्या सगळ्या कचाट्यात मात्र

   निद्रा माझी कुठेतरी हरवली

आता हेच माझे जगणे

   ह्यालाच मी माझा सखा मानूनी

ह्याच्यापरी संवाद माझा चाले

सरले आता सर्व काही 

   सुटकेची मी वाट पाही