सुगावा

सुंदर तरूणीने रूबाबदार तरूणाला

विजय सिनेमा हाॅल मधे पाहिले

पाहताच तरूणाच्या नयनबाणास

तरूणीचे नयन चोरून हो मिळाले..

प्रेमाची मंजूळ बासरी ह्रदयी वाजली

पण दोघांनाही पत्ता लागला नाही

संपला सिनेमा मनी ताशा वाजू लागला

प्रीतीची सतार अंतरी वाजू पाही....

ना नाव माहिती ना पत्ता माहिती

तरूणाने तरूणीचा सुगावा काढला

तरूणीची ह्रदयाची धडधड वाढली

या प्रीतीतच तरूण आता दंग राहिला..

तरूणीने तरूणाला होकार दिला

तरुणाने मस्त हवेतच उडी मारली

दोघांचेही झाले मनोमिलन प्रीतीचे

एकमेकांच्या सुखात दोघेही रमली...