स्थितप्रज्ञ विवेकानंद

सुख दु:खाचा मांडून तो यज्ञ|

बनलात खरोखरच स्थितप्रज्ञ||१

घेतला जरी संन्याशाचा वेश|

दिला जगा बंधुत्वाचा संदेश||२

होतात तुम्ही जरी बैरागी|

शोभलात खरे कर्मयोगी||३

प्रियदर्शन, प्रतिभावंत|

मूर्तिसम किर्ती दिगांत||४

जळी स्थळी काष्ठी पाषाणी|

उपयुक्त जाहली तुमची वाणी||५

तेजःपुंज चेहरा विलसे हास्य मंद|

प्रज्ञावान कर्मयोगी हे विवेकानंद||६

भगवी वस्रे लेऊनी पावित्र्य राखले|

गुरु रामकृष्ण परमहंसांचे शिष्य शोभले||७

दिगांत किर्ती तेजःपुंज मूर्ती|

जणू भारताच्या स्वप्नांची पूर्ती||८

जन्मभर केली देशाची भक्ती|

परि न धरली कशाची आसक्ती||९

शिकागोत बंधूभाव शिकवून

उंचावली हिंदू धर्माची मान|

सर्वधर्मपरिषद गाजवून

वाढवली भारत मातेची शान||१०