सरत्या आठवणी

सरत्या आठवणी

सरत्या आठवणींने

मन भूतकाळात रमले

स्वप्न सजले

गतकाळाचे... {१}

आशेच्या किरणांनी

निरोप वर्षाला देऊ

ओंजळीत घेऊ

सुखस्वप्ने... {२}

नवीन पालवी

नवे वर्ष रंगीत

गुणगुणू संगीत

प्रीतीचे... {३}

नको मांसाहार

नको दारूचे व्यसन

नको जागरण

जीवघेणे... {४}

गणेशाने सुरूवात

नवीन वर्षाची करू

गुरूला स्मरू

अखंडीत... {५}

मिळो उभारी

सर्वांच्या नवीन संकल्पांना

भविष्याच्या कल्पनांना

आशादायी... {६}

सुख, दुःख

देऊन गेले वर्ष

ओठांवर हर्ष

सदैवच... {७}

स्वागत करूया

नव्या उगवत्या सूर्याचे

प्रकाश किरणांचे

विलोभनीय... {८}

आशेच्या पंखांनी

कर्तृत्वाची गगनी भरारी

बाणा करारी

ठेवूयात... {९}

होवोत पूर्ण

तुमच्या सर्व इच्छा

सर्वांना शुभेच्छा

नववर्षाच्या... {१०}