सोबत तुझी.......🌹

सोबत असावी लागतेच...

लेखणीला शाईची,

शब्द प्रत्यक्षात उतरविण्यासाठी

सोबत असावी लागतेच...

फुलाला काटयांची,

सुंदर फुले उमलण्यासाठी

सोबत असावी लागतेच...

अंधाराला प्रकाशाची,

सुर्योदय व सूर्यास्त होण्यासाठी

सोबत असावी लागतेच...

आनंदाला दुःखाची,

आयुष्य निरंतर जगण्यासाठी

सोबत असावीच लागतेच...

सुरांना शब्दांची,

मधुर संगीत गाण्यासाठी

सोबत असावी लागतेच...

माझ्या प्रितीला तुझ्या प्रेमाची,

जगण्यात सुंदर रंग भरण्यासाठी