संवाद संपला

वाटलं नव्हत कधी मला

आपल्यातील संवाद संपेल

मला तर वाटलं होतं आधी

तुझ्या सोबतीने अवघे जग जिंकेल

काय मागितले होते मी तुला

आपुलकीचे दोन शब्द फक्त

पण आला नात्यात दुरावा अनं

तु झालास नुसता सख्त

तो प्रेमाचा वाहणारा झरा

इतक्यात आटला असं वाटतयं

आणि नात्यातील स्नेहाच्या तारा

त्याही आता तुटल्या वाटतयं

तुला नाही का काहीच वाटतं

गतकाळात डोकावून पाहावे

एकमेकांसोबत घालवलेले ते क्षण

पुन्हा आयुष्यात परत आणावे

कधी स्वप्नातसुद्धा विचार केला नाही

की तु माझ्याशी असा वागशील

बहाणे करून नेहमी बोलणारा तु

एवढ्यात कसा मला टाळशील

मी हजारदा स्वतः ला एकच प्रश्न विचारते

काय झाला गुन्हा बरे माझ्याकडून

काळजाला टोचते आता तुझे बोलणे

माफ कर मला मी माफी मागते वाकून

संसारात मला सुद्धा तुझ्या बरोबरीने स्थान दे

चुकले असेल काही माझे तर

प्रेमाने माझ्या पाठीवर तु थाप दे

पण आयुष्यभर संवाद मात्र सुरळीत चालू दे