श्रावण

श्रावणातल्या जलधारांनी

हरखून गेली फुले अनं पाने

धराने पांघरला हिरवा शालू 

जणू नवरी नटली नव्या श्रूंगाराने

कडाडून त्या विजा चमकती

लखलखाट नभात होतो

इंद्रधनूच्या सप्तरंगांने

आसमंत न्हाऊनी निघतो

रिमझिम पाऊसधारा

अहोरात्र बरसुन गाती

गवतपाती आनंदी सारेच

वाऱ्यासंगे त्याही हसती

निळ निळाई आभाळाची

आंनदात पक्षी गाणे गाती

खळखळणारे झरे खळाळून

सागराच्या भेटीस जाती

क्षणात शिरव्यांची दस्तक 

अनं क्षणात फिरूनी उन्हे येती

ऊन पावसाचा खेळ पाहण्यात

प्राणी मात्र मग रंगुनी जाती