संस्कृती

गड-किल्ल्यांचा मऱ्हाटी देश हा

महाराष्ट्र म्हणती ज्याला

शिवरायांच्या रयतेच्या राज्याची

संस्कृती लाभली याला

तीर्थक्षेत्रे, आणि भव्य मंदिरे

डोंगर-कपारीतली सुरेख लेणी

गोदावरी, कृष्णा, भीमा, कोयना,

संस्कृतीवैभव महाराष्ट्राचे आहे ना

थोर संत-विभूती, समाजसेवक

लोकपुरुष महाराष्ट्रास लाभले

राजकारण - समाजकारण ज्यांनी

सर्वांना कार्यातून शिकवले

लोककला, साहित्य, संस्कृती

कलावंत इथेच अशी ओळख आहे

देशातच काय, साऱ्या दुनियेत

महाराष्ट्र-संस्कृतीची ही ओळख आहे