शुभ अशुभ

अमावस्या आहे म्हणतात अशुभ 

दिवाळीचे लक्ष्मीपूजन तर असते अमावस्येलाच 

मांजर आडवी जाणे आहे म्हणतात अशुभ 

लक्ष्मीही मानतात मांजरीलाच 

घुबड दिसणे आहे म्हणतात अशुभ 

परदेशात तर शुभ मानतात घूबडेलाच 

कावळा स्वप्नात येणे आहे म्हणतात अशुभ 

पिंडदानाचा घास देतात कावळ्यालाच 

खरेच असतं काहो हे शुभ अशुभ 

प्रश्न नेहमी पडतो काय खोटे काय खऱ्याचाच 

श्रद्धा म्हणावे ह्याला की अंधश्रद्धा 

माणूस पारखा झाला श्रद्धेलाच