श्रीराम वचन

श्रीराम नवमी सण भारताचा

मानवी संस्कृती आणि आदराचा

साजरा व्हावा गुण्यागोविंदाने

सर्व समावेशक जातीधर्माचा

पावित्र्य राखावे मंदिराचे

गोरगरीबांस व्हावे आश्रयस्थान

मुखी जपावे रामनाम

शुद्ध होईल अंतरमन

सर्व मानवजातीस खुले आहे

भारतीय एकात्मता त्यातून दिसावी

श्रीराम प्रभूंचे दर्शन घ्यावे

विश्व बंधुत्व भावना नांदावी

अध्यात्म्याची जोड असावी

अध्यात्मात जीवन जगावे

शांतीचा मार्ग स्विकारावा

मानवाने सत्य कर्म करावे

प्रेमभावना शिकवण श्रीरामाची

गुरुआदर आचरण श्रीरामाचे

शिष्यानी केले प्राणार्पण

वचन राखीले प्रभूरामचंद्रांचे

नको दंगल, धर्मवाद

हृदयात राम दिसावा

कर्म करावे मानवासाठी

नको घडो कुठे रक्तपात

माणूस म्हणून शिकवण भारताची

सुखशांती नांदावी भारत देशात

आदर्श दिसावा साऱ्या विश्वात

सहिष्णुता आचरावी भारत देशात