श्री संत गोरा कुंभार

महाराष्ट्रातील एक वारकरी

संप्रदायातील थोर संत

नाव त्यांचे गोरा कुंभार

होते ते विठ्ठलाचे भक्त ||

प्रतिकूल त्या परिस्थितीत

गोरोबांचा जन्म झाला

चमत्कार आहे असे म्हणती

गोरोबांना गोरीतून काढला ||

विठ्ठलाचे करे नामस्मरण

असे गोरोबांचे महान जीवन

पांडुरंगाच्या नामस्मरणात

देहाचे भान हरपून तल्लीन ||

मन गुंतले नामस्मरणात

तुडविले आपले बाळ

देह मिसळला मृतकेत

घेऊन गेला बाळाला काळ ||

तोडिले आपले दोन्ही हात

झाले संसारातून विरक्त

आत्मीयता, श्रद्धा असे

परमेश्वराचे होते खरे भक्त ||

परमभक्त गोरोबांच्या घरी

सेवेसाठी विठ्ठल-रुक्मिणी आले

गोरोबांच्या भक्तीवर प्रसन्न झाले

नगरीत पांडुरंगा राहून गेले ||