श्री जेष्ठा गौरी आवाहन

भाद्रपद महिन्यात

गौरीचेही आगमन

नक्षत्रही अनुराधा

असे गौराईचा मान ||

घरी वाजत गाजत

येई गौराई माहेरी

सोनियाच्या पावलांनी

आवाहन करी गौरी ||

दूध पाण्याने धुऊन

लक्ष्मीचेही दिसे ठसे

गौराईच्या येण्यानेही

शांती घरातही दिसे ||

नववारी नेसुनीही

चुडा हिरवा घालून

साज शृंगार करून

नथ नाकात घालून ||

सुवासनी पुजतात

खना नारळाची ओटी

भरूनच वाने देती

कुंकू हळदीची वाटी ||

सजवून नटवून

शोभतात लक्ष्मी घरी

 तिसऱ्याच दिनी बाई 

जाती सोडूनी ही गौरी ||