श्रद्धास्थान

गुरुविणा कोण दाखवील वाट

गुरुविणा कशी होईल पहाट !

गुरु असे दिशादर्शक

जीवनाचा एक मार्गदर्शक !

गुरु करी चांगले संस्कार

दगडास देई मूर्तीचा आकार !

गुरुविना कोण देईल आधार

शिष्याचा वाहील कोण भार !

गुरुविना कोण घेईल परीक्षा

चुकल्यास कोण देईल शिक्षा !

शिष्याच्या यशात गुरुचे यश

उभा खंबीर जरी आले अपयश !

गुरुविना कसा ज्ञानसागर पार

शिष्यास दाखवेल कोण पैलतीर !

गुरुचा वर्णावा किती महिमा

परब्रम्हांची त्यास उपमा !

गुरु असे माझे श्रद्धास्थान

सदाच मी त्यांच्यासमोर लीन !

गुरुचा वाढतो सन्मान

पाहून शिष्याची यशाची कमान !

पाहून शिष्याची यशाची कमान!!