श्रावण

सणासुदीची घेऊनि उधळण

आला हा हसरा श्रावण

चला पुजू या नागपंचमी

सर्प सांगती शत्रू नाही मित्र आम्ही

महान सण हा रक्षाबंधन

दृढ होती बहीण भावाचे पवित्र बंधन

सोमवारी पुजू या महादेव

नतमस्तक होऊनि म्हणू सुखी ठेव

सौभाग्यवती पुजती मंगळागौर

खेळ खेळुनि पारंपरिक थोर

जन्माष्टमीचा सण महान

दहीहंडीला येती उधान

असा हा गोजिरा श्रावण

कर्तव्य आणि नात्याची देतो आठवण

परंपरेचे सर्व मिळुनी करू या जतन

अमोल ठेवा संस्कृतीचा राखुया आपण