श्रावण सरी

 श्रावण सर सरी

     घरी आणि दारी

     फुल फुलई हसरी

     बघ ढग सोनेरी आला

श्रावण आला,श्रावण आला ।

    हिरवळ मखमली 

    गर्द दवात ओली

    पान फुले डवरली 

    नभी इंद्रधनुही उगवला 

श्रावण आला, श्रावण आला।

    नभी शुभ्र बगळे

    मोहविती सगळे

    रूप निसर्गाचे आगळे

    मोहवी थेंब थेंबाला 

श्रावण आला,श्रावण आला ।

   श्रावण सरी वर सरी

     वाजवी बासरी 

     श्रीकृष्ण मुरारी

  गोकुळीं गोपाळ काला

श्रावण आला,श्रावण आला ।

   अंगणी श्रावण सरी 

   अखंड अवनीवरी

   ढग धुक्याच्या चादरी

  तन मनात मोर फुलला

श्रावण आला,श्रावण आला।