शिवरायांचे गडकिल्ले

राजे तुम्ही उभारलेले गडकिल्ले
ढसा ढसा रडत आहे
तिथली दगड आणि माती
भरा भरा कोसळत आहे

हिरोजीने तुमच्या पायाची धूळ पडावी
यासाठी दगडावर नाव कोरले होते
आत्ताची नालायक पिढी बघा
गडाच्या दगडावर प्रेमाची साक्ष गिरवून ठेवते

एक एक गडकिल्ले राखण्यासाठी
मावळ्यांनी रक्ताचे पाठ वाहले आहे
आता तिथेच प्लास्टिकच्या बाटल्या,
सिगरेट, कचरा माणूस सर्रास टाकत आहे

शिवरायांचे जीव की प्राण होते
एके काळी गडकिल्ले
आता रिल्स, फोटोशूट, नाचगाना,
मौजमजा शिवाय काहिच नाही उरले
 
गडकिल्ले संवर्धन करणाऱ्या संस्था
काळजीने मोहीम घेत असतात
आजच्या घडीला हे ऐतिहासिक वास्तू
जपण्याची महत्त्वपूर्ण भूमिका बजावतात

पर्यटन स्थळ म्हणून जाऊ नका
शिवरायांनी उभारलेले गडकिल्ले अथवा
तिथली माती, दगड, झाडे ,मंदिरे , तोफेवर
आपले माथे टेकून राजेंना क्षणभर आठवा

उद्याच्या येणाऱ्या पिढीला
फक्त लिखित इतिहास नसावे
स्वराज्याचे साक्ष असणारे
शिवरायांचे गडकिल्लेही असावे